Eurovisjón 1

Ákvað að dæma sjálf í fyrri undankeppninni og þetta er niðurstaðan segi ég - þau sem eru merkt með rauðu komast pottþétt áfram en þau með græna eru að slást um 10. sætið að mínu mati - sjáum hvað sannspá ég reynist!

1. Montenegro – krumpuð skyrta
2. Ísrael – vöðvabúnt sem söng eins og kelling – svo sem í lagi lag
3. Eistland – sveittir perralegir karlar og hálf naktar gellur – ógeðslegir
4. Moldavía – rauðir eyrnalokkar og bangsi – mikið rok á sviðinu – leiðinlegt lag – berfætt – þurfa líklega að taka rútuna heim.
5. San Marino – drungalegur gaur sem slapp líklega úr dýflissu – allir mættu í fermingarfötunum. og enn með eighties klippinguna.
6. Belgía – Sound of music stæl íklædd austurríska fánanum – full fjölþreifin við sellóleikarann sviðinu – agalega happý og leiðinlega euróvisjónlegt.
7. Aserbaijan – Töff og getnó gaurar – komast örugglega áfram
8. Slóvenía – 2 svarthöfðar á Heelies skóm mættir á svið með grænni gellu – agalega vond litasamsetning á búning, skærgrænt pils og fjólublár toppur
9. Noregur – flottur blár kjóll – flott melódía
10. Pólland – fegurðardrottningarkjóll með hálsmál niður á nafla
11. Írland – Kalkúnn – frekar spes – ágætur með sósu og brúnuðum kartöflum
12. Andorra – skrýtið höfuðskraut, líklegast gamall servíettuhaldari.
13. Bosnía&Hersigóvína – prjónandi brúaðarkjólagellur og argintæta syngur lagið – doktor gunna stæl með möggu stínu í aðalhlutverki.
14. Armenía – svaðalega þjóðlegt, töff gella og flugeldasýning – keli keli keli – hoppandi rass og brjóst – líklegt til að komast áfram
15. Holland – arabískur taktur – glimmer – vantaði magadansmeyjarnar
16. Finnland – Lordi wannabe – þungarokk og karlar berir að ofan flugeldar og eldspúandi taktur – ekki svo slæmt
17. Rúmenía – súkkulaði sæt ástarballaða - hroðalegur kjóll hjá henni, leður og tjull með grænum lakkrísreimum.- voða melódískt og óperulegt
18. Rússland – keimlíkt öðru lagi sem ég man ekki hvað heitir – nær líklega langt útaf strativaríusfiðlunni og skautasvellinu. Nær örugglega áfram í úrslitin
19. Grikkland – lítil sæt barbídúkka í stuttu pilsi – britney spears style – brjóstadill og magadans – nær örugglega í gegn