Rosalega rósóttar rúllugardínur

...allir vondir við hann

 Miðað við hve oft hefur verið orðið vart við ÍSbirni hér á landinu undanfarin ár mætti halda að þeir séu að hugsa um að flytjast búferlum hingað til ÍSlands! 

	Hvítabjörninn felldur
Ábyrgðarmaður færslu Tilkynna um óviðeigandi tengingu við frétt

Móðir hans hafnaði honum fljótlega eftir fæðingu og hann sýndi af sér hegðun sem ekki var eðlileg hjá ísbjörnum alla jafna! Starfsmenn dýragarðsins héldu að frægðin og athyglin hefði stigið honum til höfuðs en svo kemur í ljós að hann var með miklar heilaskemmdir.

Móðir hans hefur örugglega fundið þetta um leið og hann fæddist að það væri ekki allt með felldu og hafnað honum í kjölfarið.

Ég er hrædd um að það myndi nú eitthvað hljóð heyrast úr horni ef við mannfólkið tækjum upp á þessu nú á dögum! 

En hvenær hættum við að vera svona næm á hvort allt sé með felldu eða ekki? Getur einhver svarað því? Var mannskepnunni einhvern tímann gefinn þessi hæfileiki á að meta við fæðingu hvort krílið væri lífvænlegt eður ei?  Hmmmm, ég ætti kannski að lesa mér til í mannkynssögu fornalda!

	Knútur með heilaskemmdir
Ábyrgðarmaður færslu Tilkynna um óviðeigandi tengingu við frétt

Já takk - mikið agalega varð ég nú glöð þegar Alþingi samþykkti þetta í gær. Er ekki frá því að í brjósti mér slái lítið Evrópuhjarta.

Eftir að hafa búið í Evrópusambandsríki í nokkur ár og kynnst kostum þess að kaupa matvöru á viðunandi verði, borga af lánum á viðunandi kjörum (já, ótrúlegt en satt, lánið lækkaði við hverja afborgun!) og svo fram eftir götunum get ég ekki verið annað en sátt að Íslendingar sem þjóð ætli loksins að stíga útfyrir þröngsýnismúrinn sinn og skoða hvernig aðrir höndla hlutina!

Ég varð fyrir svolitlum vonbrigðum á sínum tíma þegar ég komst að því að Ísland er ekki best í heimi - því hafði verið innprentað í uppeldinu heima fyrir og af skólum, landi og þjóð en reyndist svo vera opinber heilaþvottur. Eftir að hafa búið í 300000 manna borgarhluta í stórborg erlendis finnst mér óneitanlega margir Íslendingar vera haldnir svolitlu mikilmennskubrjálæði! Góð samlíking finnst mér að Íslendingar eru soldið eins og hestar með svokallaða"hliðarleppa" - sjá bara beint fram en ekki til hliðanna!

Vona innilega að þessar aðildarviðræður verði farsælar svo Íslendingar framtíðarinnar geti búið við stöðugra hagkerfi og sæmileg lífskjör!

	Erfiðar viðræður
Ábyrgðarmaður færslu Tilkynna um óviðeigandi tengingu við frétt

...aumingja assan að liggja á fúleggi - en mér er spurn - verpa þær bara einu eggi í hvert sinn?  Bara smá forvitni í mér sko :o) Best að skella sér á fuglavefinn og skoða varpvenjur arna!

Annars var frétt fyrr í vikunni sem sagði frá því að konur yfir 35 ára væru einnig í meiri áhættuhóp hvað varðar fúlegg - þ.e. frjósemin dettur allverulega mikið niður. Ætli hugtakið "Fúl á móti" sé eitthvað tengt þessari fúleggja-framleiðsu?

Vá sýrulegar pælingar snemma á föstudagsmorgni! Hvað var eiginlega í þessu Cheeriosi?

	Talið að varpið í Arnarsetrinu hafi misfarist
Ábyrgðarmaður færslu Tilkynna um óviðeigandi tengingu við frétt

...í lagi - ja, eða ólagi?  Finnst þetta reyndar ágætt ráð hjá kallinum að beita sektum, enda þetta sama vandamál í mörgum skólum hér á landi! Farsímaeign nemenda er með mesta móti og símar í dag orðnar græjur hinar mestu, myndavélar, myndbandstökuvélar, hljóðupptökutæki, tónlistarspilarar og útvörp!  Allt getur þetta valdið truflun á hefðbundnu skólastarfi og vegna persónuverndarsjónarmiða óásættanlegt að börn séu með síma í skólanum. Kennarar eru teknir upp í kennslustund eða nemendur í búningsklefum - allt er þetta svo komið á YouTube eða Facebook um leið!  Ekki nógu sniðugt, held að enginn vilji fá mynd af sér á netið í sturtu eftir íþróttatíma svo dæmi sé tekið!

Hvaða ráðum er hægt að beita hér á landi? Sé ekki fyrir mér að menntamálaráðherra fari að vasast í þessum málum!

	Farsímar bannaðir
Ábyrgðarmaður færslu Tilkynna um óviðeigandi tengingu við frétt