klóri klóri klóri klór...

 

Þessi ófögnuður birtist í skólanum og á leikskólanum í dag - ég er búin að sitja heima og klóra mér í hausnum í allt kvöld!!  Held að ég sé meira en lítið ímyndunarveik, ekki nóg með að manni klæji í hausnum, heldur allstaðar annarsstaðar líka, meira að segja í framan...hehehe

Hugsa að ég fari nú samt í kembingu - til að róa sálartetrið!

 

Annars er bara tannsi á döfunni á morgun - víííí - endajaxlataka (verður maður ekki að horfa á björtu hliðarnar á svartnætti heimsins?) 

Helgin framundan, sé fram á að þurfa að liggja soldið yfir stærðfræðiskruddunum svona inn á milli fimleika og sunnudagaskóla.  Kallinn á leiðinni heim, stoppar alveg í rúma tvo sólarhringa í þetta skipti.

Brúðarmyndirnar eru annars komnar fyrir áhugasama - gæti hnoðað í vöfflur ef að einhver ákveður að taka rúnt hingað útí eyðimörkina á hjara veraldar!

Demitt!!

Ætlið að segja mér að Ópið sem að ég keypti á e-bay sé bara feik???  Mér var lofað að þetta væri það sem að rænt var þarna um árið! 

 

 

Miklar vangaveltur í Noregi um hvernig Munch-verkin fundust

Gubbupest...

...er ekki sniðug!  Sérstaklega þegar barnið gerir ekkert annað en að æla yfir mömmu sína, því að auðvitað vita allir að það er best að vera hjá mömmu ef að manni líður illa!! 

En mömmum finnst ekki gaman að láta gubba á sig, alls ekki á nóttunni og alveg sérstaklega ekki þegar þær sitja á klósettinu og lesa blað! 

Annars fer heilsufarið hér á bæ vonandi batnandi - nema að restin af fjölskyldunni fari líka að gubba, vonandi gerist það ekki, þvottavélin hefur gengið non-stop í dag með gubbusængurverum og handklæðum og fötum - held að það þurfi að gefa henni smá frí!! 

Perlur dagsins...

...Rósa, hlaupandi á bílastæði Kringlunnar með innkaupakerru, hring eftir hring, missteig sig illa og nærri lent undir bíl - allt útaf einum árásargjörnum rauðhærðum geitung sem að ætlaði hreinlega að éta okkur með vígtönnunum!!   

...Rósa, gleymandi úlpunni sinni á leikskóla og annað generalt vesen sem að orsakaði að við komum 10 mín of seint í fyrsta balletttímann!! 

 

- missið ekki af þætti næstu viku - kennsla í því hvernig hægt er að kreista graftarkýli á 90km hraða á Reykjanesbraut!! 

 

Uppeldishornið:  Stórar stelpur eiga ekki að pissa í buxurnar, sérstaklega ekki á hverjum degi!!

 

Myndir

Flottar myndir af Anitu að mála á heimasíðu leikskólans - til að skýra sumar myndirnar að þá er starfar leikskólinn eftir Reggio Emilio stefnunni og eitt af því sem að gert er, er að leyfa börnunum að kanna hluti, m.a. málningu með öllum líkamanum - þeim er síðan bara þvegið.  Börn sem að fá að sullast svona í efniviðnum kynnast víst efninu mun betur og geta fyrr nýtt sér hann til að mála myndir með og svoleiðis.  Bara gaman að þessu 

 

Aðrar myndir er ég nú ekki með í bili, þó að vonandi finn ég hjá mér nenn á næstunni að koma einhveru inn af myndum sumarsins á síðuna!  Aldrei að vita hvað gerist á næstunni...

Uppreisn æru!!!

Svei mér þá, ég held barasta að það séu kosningar á næsta leiti!  Já, og er ekki verið að fara að stilla upp á lista þessa dagana, prófkjör og svoleiðis!    Þetta getur ekki verið tilviljun!

Árni uppfyllir skilyrði fyrir uppreist æru samkvæmt dómsmálaráðuneytinu

Rólegheit

Er heima bara í dag að dúlla mér.  Börnin fóru uppí bústað með afa og ömmu og erum við hjónakornin bara ein heima þessa helgina.  Stefnt var á það að sofa út, en nei nei, mín náttúrulega virðist vera komin í rútínuna aftur og glaðvöknuð klukkan 7.  Á slaginu sko!  Ég eyddi morgninum í það að læra og er búin að skila mínum fyrstu verkefnum í náminu - undan áætlun, sem að er nú hálfgert met því að ég vinn alltaf fram að deadline!  Sé fram á að þetta verði strembin önn, mikið um skilaverkefni í hverri viku - púff púff, hvenær ætlar mín eiginlega að finna tíma til þess.  Held að ég verði að fjárfesta mér í lýsi eða ginseng svo að ég fái meiri orku, og nái að vaka fram yfir 9 á kvöldin.

Í kvöld erum við svo með starfsmannapartý fyrir vinnuna mína, er svona að dúlla mér í að taka til og ganga frá þvotti, alveg merkilegt hvað það getur hlaðist upp af þvotti á einni viku!

 

Uppeldishornið:  Það er alveg stranglega harðbannað að kúka í baðið!

Góður þessi!!

Þessir eru ekkert smá góðir maður hehehe.  Skóhorn, hvernig datt þeim það í hug eiginlega??  Spurning hvort að þeir prófi næst að nota hrútshorn, rétt horn eða götuhorn!!  Svo má alltaf nota visa kort og þess háttar!! 

Reyndu að grafa sig til ESB-landa með skóhornum

Getnaðarvarnir

Getnaðarvarnir fyrir kengúrur!!  Hvernig væri nú að finna einhverja skohelda fyrir mannfólkið fyrst?  hehehe

 

Nú fyrst að það er verið að finna upp getnaðarvarnir fyrir dýr, er ekki hægt að finna upp eitthvað fyrir máfa?  Eða býflugur og köngulær?  Fullt af dýrum sem að ég væri frekar til að fækka, þetta með kengúruvandamálið í Ástralíu snertir mig nú lítið þar sem það er hinum megin á hnettinum, en nokkur dýr hér sem að bögga mig og fleiri     hehehe

Getnaðarvarnalyf þróað fyrir kengúrur

púff....

....gufaði hreinlega upp!!

Það mætti halda að það hafi gerst við að ganga í hnapphelduna, en einhvernveginn hafa málin æxlast þannig að sumarfríið náði líka yfir tölvunotkun, maður hefur varla komið við gripinn nema bara rétt til að lesa moggann og svona.

Erum búin að eyða einni viku uppí bústað, nokkrum dögum í vinnu, síðan tveimur vikum í sólinni á Tenerife og svo settumst við hjónin (bæði) á skólabekk og erum komin í fjarnám í HR.  Núna tekur síðan alvaran við, fyrsti vinnudagurinn liðinn, skólasetning á morgun og svo er allt komið í full swing fram á næsta vor. 

Kannski maður skelli inn færslum regluleg á næstunni, aldrei að vita nema eitthvað fréttnæmt gerist!