Banvænn skyndibiti...

...já, maður verður að hugsa sig vel um áður en maður leggur í næsta McGóðborgara! Við lestur á íslensku fréttinni hélt ég kannski að hann hefði lent í alvöru útsöluslagsmálum en frétt BBC skýrði betur fyrir mér hvernig hlutirnir atvikuðust.

Myrtur á Oxfordstræti um miðjan dag

Hver er líkur hverjum...

...maður finnur sér nú ýmislegt til dundurs í próflestrinum - hehe

 

MyHeritage: Family tree - Genealogy - Celebrity - Collage - Morph

 

MyHeritage: Look-alike Meter - Family history software - Free printable family tree chart

Já já...

...og ég verslaði oft í Waitrose sem er þarna rétt við!!  Bláu hringirnir eru þar sem við áttum heima, græni hringurinn er Waitrose og rauði hringurinn er þar sem húsin sprungu!

Tvö hús sprungu í London

Brjósta-kjúlli

...eða chickenbreasts eins og breskurinn segir það. Ef að innflutningur á ferskum kjúklingabringum verður til þess að lækka verð á innlendum kjúklingi að þá er þetta bara af hinu góða. Ég ætla ekki að lýsa því sjokki sem ég fékk þegar ég flutti aftur til landsins og þurfti að kaupa í matinn fyrir fjölskylduna. 1500-2000 krónur fyrir einn bakka af kjúklingabringum! Og það er í lágvöruverslun - hef séð bakka með bringum slaga upp í 3000 kallinn.  Kjúklingur er aðaluppustöðumatur fjölskyldunnar og er hann hér á borðum ca. 3x í viku. Ég var vön að kaupa pakka af bringum fyrir ca. 500-600 krónur svo þið getið vel ímyndað ykkur af hverju manni hefur brugðið við. En það er bara eitt við þetta að bæta - MATUR ER ÓGEÐSLEGA DÝR Á ÍSLANDI!

Ég á að vera að læra fyrir próf - það gengur nú svona eins og það gengur. Þrjú próf eftir næstu 12 dagana svo að ég kem ekki upp úr kafinu fyrr en 16. maí.

Afmælisveislan hjá yngri prinsessunni verður svo haldin 18. maí frá klukkan 15:00 og fram á kvöld. Vonandi verður gott veður svo að hægt sé að bjóða gestum á nýja fína stórglæsilega sólpallinn okkar. Það sem verra er að nú heimta stelpurnar kofa í garðinn - svo að ætli það verði ekki næsta smíðaverk hjá pabbanum - að smíða kofa handa þeim  - það er svo sem í lagi að fá kofa en sú yngri vill fá í hann útvarp og sjónvarp, ætlar að flytja út í hann held ég.

Spáir miklum innflutningi á kjúklingabringum

Heyrn og almennur þrifnaður...

...ég man nú þá tíð þegar ég vann við það m.a. að þrífa lyklaborð. Blása úr þeim öllu kuskinu og þrífa takkana með spíra. Ekki var óalgengt að fá inn lyklaborð sem voru svo brún af skít og húðfitu að varla sást á letrið á tökkunum. Í þá daga voru öll lyklaborð hvít og svört lyklaborð, eins og nú eru algengust, þekktust ekki. Sum lyklaborðin voru meira að segja svo svaðalega skítug að maður þurfti að bleyta eyrnapinna í spíra til að nudda og skrapa af þeim húðfitunni. Jamm - mér er bara spurn í heimi svörtu lyklaborðanna sem ekkert sést á - hvernig er ástandið á þeim.

Ég vinn í skóla og þar kemur reglulega upp njálgur - sem smitast yfirleitt frá fingrum upp í munn. Smit verða þegar einhver njálgsmitaður þvær sér ekki um hendurnar og dreifir sýklum á hurðarhúna, handrið - og lyklaborð svo dæmi séu tekin. Þó að það sé brýnt fyrir börnum að þvo sér um hendurnar eftir klósettferðir að þá er ekki þar með sagt að þau geri það. Þess vegna er maður orðinn hálf sýklahræddur eftir að hafa unnið í skóla og ef maður hefur verið að opna margar hurðir og nota handrið að þá er næsta víst að maður kemur við á salerninu til að þvo sér um hendur. Ég get vel ímyndað mér að almenningstölvur séu alsherjar gróðrastíja fyrir bakteríur og örverur. Þetta sannar enn og aftur að handþvottur er mjög mikilvæg hreinlætisregla og alveg synd að honum skuli ekki vera haldið meira á lofti í íslenskri menningu því að hjá öðrum þjóðum er hann mjög hátt skrifaður og ekki sest að matarborðinu nema vera búinn að þvo sér um hendurnar.

Annars sá ég sniðugt heyrnarpróf á síðunni hjá henni Helgu bloggfrænku minni sem ég þreytt hérna áðan og komst að því að ég væri enn mjög ung í anda þó að heyrnin sé nú eflaust eitthvað farin að gefa eftir. Ég man þá tíð þegar ég var að vinna í Íhlutadeildinn að frá einum tölvuskjánum sem við vorum með heyrðist alltaf svona hátíðnivæl - sem enginn heyrði nema ég, enda var ég langyngsta manneskjan sem vann þarna, ekki nema 19 ára meðan aðrir voru komnir vel á fertugsaldurinn. Niðurstöðurnar fyrir mig fylgja hér að neðan.

You are in your twenties

You can still hear reasonably well and you can play this without my old fart colleagues hearing it which makes you feel kinda good.

The highest pitched ultrasonic mosquito ringtone that I can hear is 15.8kHz

Find out which ultrasonic ringtones you can hear!

Fleiri sýklar á lyklaborði en klósettsetu

Gleðilegt sumar

Jæja, þá á sumarið að vera mætt á svæðið. Á! En væntanlega verður nú meira vor í lofti næsta mánuðinn eða svo heldur en sumar. Mér, persónulega, finnst sumarið ekki vera komið fyrr en lauf eru komin á tréin og maður heyrir í slátturvélum óma allan liðlangan daginn um helgar. Þá fyrst er sumarið komið í mínum huga. En þessi tímamót sem sumardagurinn fyrsti markar er alltaf jafn skemmtilegur ár hvert - maður fer til móts við dagana sem eftir koma með bros í hjarta.

Auðvitað er þessi árstími vinsæll hjá skvísunum mínum - þær eru búnar að vera úti að hjóla á nýju hjólunum sínum núna í heila viku og ekkert er eins skemmtilegt en að vera úti að leika sér allt í einu - þær voru farnar að kvarta yfir snjónum í mars og spurðu: "mamma, hvenær fer snjórinn eiginlega?" Þær fengu líka fína sumargjöf frá ömmu sinni sem hitti beint í mark - sumarkjóla, sem auðvitað verður sportað síðar í dag, fyrst í afmælisveislu og síðan í grillveislu!

Set inn hérna smá myndband af þeim systrum að prófa nýju hjólin sín í fyrsta skipti!

Vor í lofti

Déjá vu fílingur í gangi

Skýringar Wikipedia á hugtakinu "déjá vu" eiga vel við þá tilfinningu sem ég fann fyrir er ég las þessa frétt! Og ekki orð um það meir.

Skelltu sér í nætursund

Tölvueign landsmanna

Já - ekki skrítið að netvæðingin sé svona mikil hérna - tölvueign landsmanna er líka í mjög mikil og enginn er maður með mönnum nema að eiga helst nýjustu og flottustu týpu - ja, eða allavegna starfhæft eintak sem tengist við ADSL, mótöld eru svo til orðin úrelt fyrirbæri, en alltaf nokkrir sem enn nota innhringisamband.

Eitt verkefni sem ég gerði um daginn í skólanum snérist um upplýsingatækni og þar gerðum við könnun þar sem m.a. var spurt hvort að nemendur hefðu aðgang að tölvu heima hjá sér. Niðurstaðan varð sú að 97,9% aðspurðra nemenda höfðu aðgang að tölvu heima hjá sér og 59,7% nemenda áttu eigin tölvu til afnota. Úrtakið hjá okkur voru nemendur í 7. og 8. bekk.

Ég held að hlutfallið fyrir netvæðingu þjóðarinnar verði ennþá hærra ef að úrtakið er eingöngu miðað við 60 ára og yngri, þó að eldra fólk sé alltaf í sívaxandi mæli að tileinka sér tölvutæknina.  Það verður fróðlegt að sjá þetta hlutfall hækka á komandi árum eftir því sem þjóðin eldist og þær kynslóðir sem hafa alist upp með tölvuna sér við hlið síðustu 20-30 árin taka völdin í þjóðfélaginu.

Langmesta netvæðingin hér

Launarugl á skerinu!

Held að það skipti engum togum með þessi laun - þau eru öll of lág til að lifa sómasamlegu lífi á þessu skeri.  Eftir að hafa eytt síðustu 4 tímum í að fara yfir fjármál heimilisins  sýnist mér ekki vera annar kostur í stöðunni en að fara aftur út á vinnumarkaðinn sem rafeindavirki því jú, þeir hafa hærri laun heldur en kennarar - a.m.k. á mínu sviði. Ætli niðurstaðan verði sú að ég pakki saman í náminu og hætti við að gerast kennari?  Sýnist að ég þurfi að taka inn eins og 350-400þús á mánuði......og ekki gerist það í kennarastarfinu!!  Allavegna er skrítið að framfærsla sem dugði okkur fjölskyldunni vel fyrir nokkrum mánuðum sé ekki lengur nóg til að láta enda ná saman. Allt hækkar nema launin hér á landi er líklegasta skýringin!

Hinn möguleikinn er líka fyrir hendi að flýja skerið, aftur, og flytja erlendis. Lífsgæðin hafa allavegna ekki batnað eftir flutninginn á skerið þar sem við tókum bæði launalækkun við þann prósess.

Hvar enda þetta allt saman?

Kennarar telja að laun eigi að hækka um 24-46%

Vorið er komið...

...eða svo hélt ég þangað til mér varð litið út um gluggann í morgun. En snjórinn á nú að stoppa stutt við í þetta skiptið segja þeir. Meira að segja stelpurnar eru farnar að kvarta, "hvenær kemur sumarið" spyrja þær reglulega. Já, það er ekki að sjá að sumardagurinn fyrsti sé eftir hálfan mánuð. Aumingja lóan - skyldi hún lifa þessar hremmingar af? Væntanlega!

Annars er að hefjast hjá mér heilmikil törn í skólanum, lokahnykkurinn í verkefnaskilum áður en prófin hefjast. Ég verð að játa það að mig er nú svolítið farið að hlakka til að komast í sumarfrí, þó ég ætli að vinna eitthvað í því - eilíf verkefnavinna og lestur tekur toll af manni!

Fórum á stórskemmtilega ballettsýningu í síðustu viku og horfðum á frumburðinn skoppa um svið Borgarleikhússins sem kanína - voða stolt mamma tók fullt af myndum sem munu líta hér dagsins ljós von bráðar í formi stuttmyndar.  En lærdómurinn kallar svo ætli það sé ekki best að sinna honum það sem eftir lifir leikskólavistunar barnanna!