Hamingja?

Mér er þá alvarlega spurn.... er maður þá óhamingjusamur ef maður hefur mikla löngun í sætindi? Og þá óhamingjusamari á ákveðnum tímapunkti mánaðarins?   Hmmmmm...........

Heilinn skynjar sætabrauðið

Flott framtak...

...og vel þarft. Verst að kostnaðurinn er frekar hár - sem verður til þess að ákveðinn hópur barna mun aldrei fá tækifæri til að kynnast leitarvélinni sökum efnahagsstöðu foreldra.

Það var síðast í gær að ég var að leita mér að ákveðnu lagi á netinu og sló inn leitarorðið á google. Sá þar leitarniðurstöðu sem mér leist vel á og smellti á hana og kom þar inn á síðu sem leit út eins og venjuleg síða sem geymdi lög og texta. Smellti á linkinn og var komin inn á eina svaðalegustu klámsíðu sem ég hef séð. Í tveimur smellum - click click - komið!

Ég hef ekki áhuga á að börnin mín sjái svona nokkuð fyrr en þau hafa aldur og þroska til. Hugsa að ég komi til með að nota KidZui í framtíðinni eða sambærilegar leitarvélar sem eru barnvænar til að leyfa stelpunum mínum að kynnast internetinu.

Leitarvél fyrir börn

Munum eftir tannburstanum...

...eitt svona létt Karíus og Baktus myndskeið í tilefni dagsins.

Páskaeggjaleitinni lokið

.....og hún tók á. Aníta greyið var búin að steingleyma hvernig hennar páskaegg leit út og grenjaði og frekjaðist þangað til að hún fékk það páskaegg sem hún hafði augastað á. (Eitt nr. 4 frá Nóa sem pabba hennar áskotnaðist, sjálf hafði hún valið sér í búðinni stórt Rís páskaegg.)  Málshættir fjölskyldunnar þetta árið voru á þessa leið: Iðnin eykur alla mennt (Aníta), Prjál og skraut kemur mörgum í þraut (Eliza), Sæll er sá sem gott gerir (Rósa) og Sumum mönnum fer hatturinn betur en höfuðið (Jón Fannar).

Við höfðum nú orð á því að okkur finnst sælgætismagn páskaeggjana heldur hafa aukist í gegnum árin - mig rekur ekki minni í að páskaegg undangenginna ára hafi verið svona full af sælgæti.

Hvern hefur ekki stundum langað til að gera svona?

Ég bara verð að deila þessu frábæra myndbandi með ykkur - alveg merkilegt hvað tæknin getur pirrað marga þegar hún er ekki samvinnuþýð.

 

Roooop...

...agalega er gott að lesa þetta á sama tíma og ég skutla í mig morgunmatnum.

Note to self: vera duglegri við að borða HOLLAN morgunmat! (hömm hömm, fór nefnilega í bakaríið í morgun eftir að hafa skutlað dömunum á leikskólann!)

Morgunmaturinn mikilvægur

Ekki var það ég...

...enda gleymi ég alltaf að spila með! Óska hlutaðeigandi til hamingju...

Fær 21 milljón í vinning

Heyr heyr...

...held að fólk sé loksins farið að sjá ljósið! Nú bíð ég spennt eftir þjóðaratkvæðagreiðslunni!

Stuðningur við ESB rúm 55%

Agalegt stuð...

...maður bregður sér út úr bænum eina kvöldstund - og það verður bara allt vitlaust á meðan í towninu. Ég get sko svarið það!

Annars átti ég frábæran dag í gær, sannkallað kvennadekur með nuddi og Bláa Lóns ferð, góðum mat og félagsskapur góðs fólks - gerist varla betra.  Bíð spennt eftir að endurtaka leikinn. Takk kærlega fyrir mig!

Eurovision úrslitin í gær voru góð að mínu mati - This is my life rokkar alveg feitt!! (þið getið downloadað laginu með því að smella á hlekkinn!)

Kveikt í yfirgefnum bíl

Vörður á verði og balletttími

Er aðeins að prufa mig áfram með forrit til að nota í vettvangsnáminu sem ég er að fara í í næstu viku. Ætli maður verði ekki að æfa sig sjálfur ef ég á að geta kennt notkunina á þessu. Hérna eru tvö dæmi af því sem ég hef verið að fikta við. Nú er bara að fara út í alvöru klippingar og framleiðslu....hehehe