Jólagjöf...

...heldur betur óvænt jólagjöf hjá þessari konu, ég hef oft velt því fyrir mér hvernig hægt er að vera ólétt án þess að finna fyrir hreyfingum og öðrum einkennum.  Svei mér þá..., kannski er ég þá ekki svona framstæð af hreyfingarleysi og ofáti, kannski er ég bara búin að vera leynilega ólétt síðustu árin, múhahahaha,

Átti barn án þess að vita að hún væri barnshafandi

Flutt!!

Jæja, þá eru við loooksins flutt.  Allt á rúi og stúi, við enn að koma okkur fyrir og að fylla alla skápa af draslinu okkar.  Gengur illa að henda, en það er alltaf eitthvað smotterí sem að fær að fljóta á haugana.  Bara ca. 3000 kassar sem á eftir að taka uppúr, en ætli þetta hafist ekki bara smá saman, nokkrir kassar á kvöldi.  Nú þarf maður víst að fara að huga að jólunum, skrifa jólakortin, kaupa gjafirnar og versla í jólamatinn.  Við erum búin að skreyta smávegis, aldrei að vita nema að eitthvað meira bætist við á næstunni.  En það er bara gaman að þessu öllu saman, allir alsælir með að vera komnir í nýja húsið.  Já, og heimilisfangið, það er í símaskránni fyrir þá sem að eru að skrifa jólakortin! 

Eins og áður sagði...

...hvað er að!!!!! 

Kærður á ný fyrir nauðgun

Hvaða stórstjörnu líkist ég?

jahérna aftur...

...já, hugmyndaflugið alveg að drepa mann í þessum titlum hérna.  Varð bara að kommenta á þessa frétt, sérstaklega eftir að Jón Fannar hringdi í mig áðan og sagðist hafa lent í þessu veðri í morgun. Hann var reyndar staddur í flugvél á leiðinni frá London til Glasgow og stuttu eftir flugtak að þá tekur vélin góða dífu niðrávið með tilheyrandi ókyrrð og minn maður hefur eflaust svitnað vel og lengi því að hann sagðist hafa komist nálægt því að gera á sig! Úff, mann alveg hryllir bara við tilhugsuninni, ég er að hugsa um að setja hann í farbann hér eftir!!! Hlekkja hann bara heima! Ætli það sé bannað samkvæmt lögum? hmmmmm...

Annars gerðist þessi atburður ekki svo ýkja langt frá þeim stað sem að við bjuggum á, svona ca. í þarnæsta hverfi. Rétt hjá spítalanum sem að stelpurnar fæddust á og eiginlega mitt á milli Harrow og South Hampstead, en við bjuggum á báðum stöðum. Ekki hefur nú verið gaman að lenda í þessu, pjúff, en samt, húsin þarna eru ekki byggð eins og íslensk hús, þakflísar, einfalt gler og þess háttar. Veður sem að þeir kalla fárviðri, köllum við einfaldlega slagviðri, allavegna er það samkvæmt okkar reynslu. (þá sjaldan sem að það gerist að það komi rok og rigning á sama tíma)  Það rignir afturámóti stundum heldur meira en við eigum að venjast hér. (í logni)  En ég er alveg með skýringuna á þessu. Þeir bara klára alla rigninguna á tveimur tímum á meðan hérna rignir sama magn í heila viku!! ja, að svona sirka...hehehe

Einn slasaðist alvarlega og 150 hús skemmdust í hvirfilbyl í London

Jahérna...

...ég er nú bara svo sljó að svona hluti skil ég aldrei almennilega.  Í október var maðurinn dæmdur í 5 ára fangelsi fyrir nauðgANIR, en samt nær hann að nauðga konu í síðustu viku!!  Ég hefði haldið að eftir að búið er að dæma fólk í fangelsi í fleiri fleiri ár fyrir margar nauðganir, fari það í fangelsi og sitji af sér dóminn.  Þetta sýnir bara hversu sljór fattarinn á mér er, hann sér 2 + 2 = 5, sem samkvæmt lögmálunum, stemmir ekki.

Gæsluvarðhald vegna gruns um nauðgun

Heimurinn versnandi fer!

Persónulega finnst mér að foreldrar ættu að vera aðeins duglegri í að skammta tíma barna sinna í tölvunni!  Ekki meira en 1 tíma á dag fyrir börn yngri en 10 ára og þá mest 2 tíma á dag fram að fermingu - og aldrei að vera með tölvuna á lokuðu svæði, eins og svefnherbergi barnsins.  Það er bara í eðli barna að þefa uppi efni sem að þeim er ekki ætlað!  Sérstaklega ef að þau hafa óheftan aðgang að internetinu.  Eins er nú nóg um eineltismál og fíflalæti sem að fara í gegnum bloggsíður og MSN hjá þessum greyjum.  En þetta er bara mitt álit, hugsa að það séu alls ekki allir sammála mér!  En samanber þessi frétt hér að neðan, þetta getur allt farið úr böndunum ef að ekki er rétt haldið á spöðunum!

 

Lögregla kölluð til vegna tölvunotkunar unglinga

Úps!

...ef ég skil þetta rétt, gætu alveg verið fræðilegar líkur á því að ég verði 100 ára, en hverfandi líkur á að mín börn verði það!  Allavegna meikar þetta smá sens, því eldri sem eggin eru, því meiri líkur á fúleggjum!! 

Börn mæðra yngri en 25 ára líklegri til að ná 100 ára aldri

Alvöru

...ég meina, ef að maður ætlar að brjóta af sér á annað borð, er þá ekki bara best að gera það með stæl?

Fótalaus, ökuleyfislaus og í vímu undir stýri

Jóla hvað?

....við önsum þessu ekki....  ja, eða kannski barasta ekki alveg strax.  Held að við verðum að flytja til að geta farið að jólast eitthvað fyrir alvöru.  Assgoti sniðugt að flytja svona rétt fyrir jólin, og fyrsti kassinn sem að maður tekur uppúr er kassinn með jólaskrautinu hehe.  En það er ekki alveg á döfunni strax, við höfum sett stefnuna á 9. des núna, en ætli maður verði byrjaður að tína eitthvað fyrr inn.  Við erum að gólfleggja á fullu þessa dagana og klárum vonandi barnaherbergin í dag, og hjónaherbergið í vikunni.  Flísalögnin er á lokastigi, búið að tengja vaska og klóið fer upp eftir helgi, málarinn klárar í næstu viku (vonandi, maður hefur enga stjórn á þessum mönnum!), svo að núna stendur bara á rafvirkjanum (hef enga stjórn á honum heldur).  En hann vonandi lýkur sér af fyrir þann 9. des, því að þá ætla ég að vera endanlega flutt!!  Við sem að ætluðum að flytja fyrir síðustu páska, en það klikkaði svona aðeins , en það stefnir allavegna í að við verðum komin inn fyrir jól, víííí.

Nýju nágrannarnir eru jólaljósaóð eins og við, svo að það stefnir í  að við verðum soldið vel skreytt í ár, t.d. eru þau búin að setja upp ljósaseríu sín megin og nú stendur á okkur að halda áfram svo að hægt sé að kveikja allan hringinn.  Frábært að vera með nágranna sem að vill gera allt í stíl, ég þoli nefnilega ekki þegar fólk getur ekki komið sér saman um svona hluti.  Eins og útí London, mikið af parhúsum, annað kannski málað gult og hitt rautt osfrv.  Nei, ég verð að hafa mitt hús nokkurnveginn í stíl og ekki útúr kú!   já já, ég veit, ég er soldið skrýtin!

Jæja, best að koma sér af stað, henda börnunum í pössun svo að við getum haldið áfram, verðum semsagt uppí húsi í dag að græja gólf!